Krijohet Federata e Shpelltarisë, 23 shkurt 2011

Bjeshkatarë dhe shpelltarë nga e tërë Kosova kanë themeluar, të martën më 22 shkurt 2011, Federatën e Shpelltarisë së Kosovës dhe kanë zgjedhur Fatos Kartallozin kryetar të saj.

Kartallozi momentalisht është duke hulumtuar shpellën Gryka e Madhe që është një nga shpellat më të mëdha dhe më interesante në Kosovë me gjatësi prej mbi 10 kilometra të hulumtuara. Ky hulumtim është duke u bërë në bashkëpunim me shpelltarë nga Sllovakia, të cilët janë duke e punuar hartën e kësaj shpelle.

Z. Kartallozi më heret në bashkëpunim me disa shpelltarë nga Polonia ka bërë edhe zhytjet e para brenda liqeneve në shpellën Gryka e Madhe. Ai është zotuar se në të ardhmen do të punojë edhe më shumë në promovimin e shpellave të Kosovës, antarsimin e federatës së shpelltarisë në federatat rajonale dhe ate botëorore.

Kartallozi është edhe autor i një libri për shpellat e Kosovës. Z. Kartallozi antarë i klubit të shpelltarisë Aragonit nga Peja, është një ndër bjeshkatarët më me përvojë dhe më aktiv të qytetit të pejës. Ai ka ngjitur shumë maja të larta duke përfshi edhe Montbllankun, majën më të lartë në Evriopë.

Deri tash sipas të dhënave të klubit të shpelltarisë Aragonit, çdo vit Kosovën e vizitojnë 50 deri 100 shpelltarë nga e tërë bota. Mirëpo me një promovim adekuat Kosova mund të tërheqë edhe më shumë njerëz të interesuar në turizëm të avanturës.

Nënkryuetarë të federates u zgjodhën Virtyt Gacaferri dhe Fadil Bajraktari.

Z. Kartallozi tha se federate do të regjistriohetr së shpejti dhe do të bashkëpunioje ngushte me federatat tjera. Në themelim të federatës i pranishëm ishte kryetari i federatës së Bjeshkatarisë së Kosovës z. Arben Lila.

Per me shume informata mund te kontaktoni nënkryetarin

Virtyt Gacaferri

Ky email po mbrohet prej spambots-ave, të duhet JavaScript me e pa

Ky email po mbrohet prej spambots-ave, të duhet JavaScript me e pa