Prezantohet plani strategjik FBAK 2011-2015

Të shtunën më 19 mars 2011 Kryesia e Federates Bjeshkatare Alpiniste e Kosovës (FBAK) ka mbajtur mbledhjen e parë pas Kuvendit Zgjedhor në të cilën kryetari i FBAK-ut Arben Lila ka prezantuar planin strategjik 2011-2015.

Në takim është shqyrtuar plan programi për vitin 2011, janë formuar grupet punuese për zbatimin e tij dhe është emëruar sekretari i FBAK-ut.

Gjithashtu janë përcaktuar aktivitetet e FBAK-ut:

1. Zhvillimi dhe përhapja e sportit të bjeshkatarisë dhe alpinizmit,

2. Pushtimi i majave brenda dhe jashtë Kosovës,

3. Shoqërimi në mes të anëtarëve dhe shoqërive bjeshkatarëve,

4. Zhvillimi i humanizmit,

5. Ruajtja e natyrës dhe mbrojtja e shëndetit,

6. Promovimi i turizmit rural,

7. Organizimi i garave në orientim dhe shënimi i shtigjeve,

8. Aftësimi i alpinistëve/shpëtimtarëve/spelologëve,

9. Bashkëpunimi me organizata të tjera sportive,

10. Kontakti me publikun dhe aktivitete të tjera.

Ju ftojmë që të na bashkoheni në realizimin e qëllimeve tona në mënyrë që së bashku të kontribuojmë jo vetëm në avancimin e jetës sonë por edhe të shoqërisë në përgjithësi.

Sponsor: Banka Ekonomike, Villa Gërmia