SHB “SHARRI” MA PRIZREN REPUBLIKA E KOSOVËS
Tel. +377 (0)44/113-456,/119-663/,769-100
Xh.log.1250-27120-01912-86 BRK-PRIZREN                             
www.shbsharri.com www.shbsharri.org                                                        
e mail: Ky email po mbrohet prej spambots-ave, të duhet JavaScript me e pa   

Ftesë për pjesëmarrje në Takimet Tradicionale Ndërkombëtare të Bjeshkatarëve dhe të Alpinistëve “SHARRI 2011”, 11-12 qershor 2011

Në emër të Këshillit Organizativ, Kryesisë të SHB “SHARRI” në Prizren si dhe të Federatës së Bjeshkatarëve të Kosovës, kemi nderin, t’ju ftojmë në: TAKIMIN TRADICIONAL “ SHARRI 2011 “ /të njëmbëdhjetat me radhë/ që organizohen me rastin e shënimit të festave të qershorit..

Këto takime sivjet do të mbahen me 11 dhe 12 qershor,  në shtëpinë e Bjeshkatarëve  që shtrihet rrëzë shpatijeve të Sharrit të bukur, ku pos bjeshkatarëve nga Kosova pritet të marrin pjesë edhe Alpinistët dhe Bjeshkatarët nga  shtetet e jashtme.

Qëllimi i organizimit të këtyre Takimeve është: pushtimi i Majës së Gjeneralit KORFF /2.562 m/, njohja mes veti e Bjeshkatarëve dhe  Alpinistëve  nga Kosova dhe nga vendet e ndryshme të botës, shkëmbimi i përvojave nga kjo lëmi e sportit,  njohja me majet e Sharrit të bukur, si dhe mbrojtja e ambientit që na rrethon.

Shkarkoni programin në shqip

Download the program in English

Maj, 2011                          Me nderime
Prizren                         Sadik Shporta, kryetar i SHBA “Sharri”-t

ShBA “Rrasa e Zogut“ Junik

F T E S Ë

Shoqëria Bjeshkatare Alpiniste ”RRASA E ZOGUT” Junik, fton të gjitha shoqeritë Bjeshkatare Alpiniste të Kosovës si dhe të gjithë ata që e duan bjeshkën, kampimin dhe ngjitjet që ti bashkangjiten kampit dhe ngjitjes në majen më të lartë të Kosovës - Gjeravica. Kampi “Rrasa e Zogut”do të mbahet në Bjeshkët e Junikut te vendi i quajtur Gropa e Erenikut.

Plani – Agjenda

Të shtunën me datë 11.06.2011, në ora 11:00 do të filloj tubimi në Junik në” Motelin Gjeravica”. Në ora 12:00 do të bëhet nisja në mënyrë të organizuar. Pushimi do të jetë gjatë rrugës në “Livadh të Madh” pastaj do të vendosemi në vendin e kampimit “Gropa e Erenikut” 1774 m/lmd. Akomodimi do të jetë në stane dhe tenda, do të ketë ndriqim, muzikë dhe video projektor dhe darkë. Të gjitha këto i siguron SHBA ”RRASA E ZOGUT” Junik. Transporti do të jetë nga pjesëmarrësit. Konfirmimi paraqitja e pjesmarrësve duhet të bëhet më së largu deri më datë 09.06 2011 në këtë e-mail adresë: Ky email po mbrohet prej spambots-ave, të duhet JavaScript me e pa ose Ky email po mbrohet prej spambots-ave, të duhet JavaScript me e pa ose në tel. 044 253-224.

Dita e dytë me datë 12.06.2011

Zgjimi do të jetë në ora 06:00 dhe në ora 07:00 do të niset marshuta për në majën e Gjeravicës 2656 m / lmd. Kampi do të ketë karakter shoqerues, edukativ,rekreativ, dhe relaksues. Bjeshkët e Junikut janë të mrekullueshme dhe ja vlenë që të shijohen...

Ju mirëpresim!
SHBA ”RRASA E ZOGUT”
JUNIK